نكت ضحك موووووووووت الجزء الثالث

حلاق و ابنه بيتفرجوا على ماتش كوره فالواد سمع المعلق بيقول بيشوطها بمشط رجله وفي المقص الواد قال لابوه الحق يابا بيلعبوا في العدة
***
اثنين محششين شافوا نفسهم في المرايا قالوا "تعال نسلم عليهم
لما رحوا لهم وقفوا
قالوا اصلهم جايين
***
ظابط مسك واحد مسطول بالليل كان معاه حشيش سأله انت بتشرب حشيش قاله ايوه يا باشا وبتاجر فيه كمان قاله ايوه تاني يوم اتعرض على النيابة سأله وكيل النيابة انت بتشرب حشيش قاله لا يا بيه طب بتاجر فيه قاله لا يا بيه قاله ليه قلت للظابط كده قاله كنت مسطول يا بيه
***
مرة إتنين محششين إتفقوا إن أول واحد يعدي في الشارع يقطعوا راسه و يلعبوا بيها كرة

المهم أول واحد عدي كان مسطول أكتر منهم ... فقالوا له بص إحنا إتفقنا نقطع راسك و نلعب بيها كرة

قام مطلع سكينة و ضاربها في دماغة و قال لهم ..

ده أنا أفسيها قبل ما تلعبوا بيها
***
مرة جماعة بيشموا وكان فيهم عيل صغير فطب عليهم البوليس فدخل الظابط وقال والشمام الصغير اسمة ايه قالوا هههههههاي يبقي كنتلب
***
مرة 2 مساطيل قاعدين
فواحد قال للثاني
"هما ليه سمو قناة السويس بالاسم ده؟"
فرد عليه الثاني و قاله .....
"علشان المراكب بتمشي فيها بسويس بسويس"
***
محشش طلبوا منه التبرع لبناء سور لمقبرة .....
رد قالهم: ليه ماعمرنا شفنا ميت هرب
***
واحد راح لدكتور وقاله ان بحس انى مخنوق مش عارف اتنفس الدكتور كتب له علاج وقاله المهم لما تنام تبقى تسيب البلكونة والشباك مفتوحين وتعال بعد اسبوع اشوفك وبعد اسبوع ذهب المريض للدكتور الدكتور سال المريض ايه الاخبار خنقة النفس راحت المريض قاله لا يا دكتور التلفزيون و الفيديو والكمبيوتر هما اللى راحوا
***
مرة راح صرصور للسوق و اشترى تلفزيون ... و لما شغلو شاف دعاية بفباف .... قال أف من أولها أفلام رعــــــــــــــــب
***
في صرصارخارج من البقالة فرحان ليش ؟ لأنه شاف صورته على علبة ريد
***
فيه صرصار متكسر و متجبس كله فصرصار صاحبه شافه قاله ايه اللي حصلك. قاله لا بسيطه ضربة شبشب
***
صرصارين في العناية المركزة واحد بيسأل التاني بيروسول قاللو لأ قبقاب
***
واحد بلدياتنا واقف قدامه خمس شياطين..ليه..؟......... واحد يوسوسله واربعه يفهموه...........
***
سالوا واحد بخيل اوى: تعمل ايه لو الدنيا برد؟ قالهم اروح جنب الدفايه ..قالوله:و لوالدنيابردت اكتر؟قالهم :اقرب من الدفايه.
قالوله:ولوبردت اكتر؟قال :الزق ف الدفايه..قالوله: طب لو نزل تلج؟ قالهم:اشغل الدفايا بقه وامرى لله......
***
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا
***
نظرية مسطوول: العلم نور والنور كهربة والكهربة خطر يبقى بنتعلم لية؟!
***
مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه
***
واحد بيشتغل في وزارة المالية خلف بنت سماها إعتماد
***
مرة مدرس عربى وقع رفعوه بالضمة
***
مشرف جاب توأم احتفظ بواحد وحط الثاني فى المواضيع المكرره....
***
مره واحد محشش كان بده يعتذر لصاحبه راح قيله : انا اسف سامحني يستر على ايدك وهات اختك ابوسها
***
- وهذا أحد المشرفين يبي يكلم خطيبته قال لها ... أنتي موضوع

عمري ........أنتي مشاركه حياتي ......أنتي كل

صلاحياتي....
صوتك وكلامك كود تفعيل عضويتي في الحياة
***
10 اصدقاء متزوجون واقفين على رصيف فى الشارع واحد منهم بيقول انا بخاف من مراتى خالص رد واحد تانى قال وانا كمان ورد واحد قال وانا كمان فاتفقوا ان اللى بيخاف من مراته يروح يقف على الرصيف التانى راحوا كلهم ما عدا واحد وقف مكانه وما تحركش فراحوا قالوله يعنى انت بقى اللى مش بتخاف من مراتك قال لهم يا جماعة ما تفهمونيش غلط ان متحركتش من على الرصيف علشان مراتى قالتلى اوعى تتحرك من على الرصيف ده.
***
واحدة راحت للدكتور قالتله جوزى بيقولى انتى شبه القنبله
الدكتور: وعملتى ايه؟
السيدة: انفجرت بالبكاء فورا
***
عجوز جاها الحرامي سرق التلفزيون لحقته قالت نسييييت الريمووت
***
فار يسحب أسد ميت .. ولما شافوه الحيوانات صفقو له وقال : شوفو اللى مش حيسمع الكلام هيبا زيه
***
مرة واحد سمين جدا قابل واحد رفيع جدا
السمين : اللى يشوفك يقول فيه مجاعه فى البلد

الرفيع: واللى يشوفك يقول انك سببها
***
واحد راح للدكتور وقاله ان عندى حالة غريبة اوى كل ما كلم حد فى موضوع انسى كل الكلام مابقاش فاكر منه حاجة الدكتور قاله والحالة دى عندك من امتى رد قاله حالة ايه يا دكتور
***
المعلم: ما هما الكلمتان اللتان يستخمهما التلاميذ كثيراً ؟ الطالب: لا أعرف... المعلم: أحسنت يا ابنى.
***
حوطي انقذ واحد غرقان,عطوه وسام شجاعة وقالوله بس للاسف الرجل انتحر شنقا , رد الحوطي: لا انا علقتة عشان ينشف
***
س1 : ما هي قمة الحيرة ؟
ج1 : يقال لك اجلس على ركن غرفة مستديرة
س2 : ما هي قمة الذكاء ؟
ج2 : هو ان تجد ركن الغرفة
س3 : ما هو وجه التشابه بين الكمبيوتر والتاكسي والحفرة ؟
ج 3 : الكمبيوتر ..... حاسب آلي
التاكسي ...... حاسب يا اسطى
الحفرة ........ حاسب لا تقع
س 4 : ما الذي له راسان و 8 اقدام ؟
ج 4 : قطتان
***
مأزون مش لاقي شغل طلق مراته
***


واحد معاه ارنب عايز يبيعه جاله واحد مسطول وقاله بكام القرد ده


رد عليه وقاله انت اعمى ده ارنب مش قرد


المسطول قاله حد كلمك انا بسأل الارنب

***
مره واحد صعيدى ومراته قاعدين فى طياره


الصعيدى قال لمراته ياوليه انا عطشان هاتيلى اشرب


راحت جابتله ميه


بعد شويه قالها انا عطشان هاتيلى اشرب راحت وما جابتش حاجه


قالها فين الميه يا وليه


قالت له الزير اللى كنت باجبلك منه لاقيت واحد قاعد عليه
***
مرة واحد بيعدي الشارع مع صحابه خبطته عربية مات راح صاحبه لمرات الميت


بس مابقاش عارف يقولها ازاى ان جوزها مات


راح قايلها جوزك ضيع فلوسه كلها على القمار قالت له الهى ينشل البعيد


قالها وباع البيت كمان قالت له: "إلهي يبيعوا عنيه قالها من الاخر اتجوز عليكى


قالت له الهى يدخلوا عليا شايلينه قالها دعوتك استجابت خشوا يا ابنى انت هو.
***
2 مساطيل قاعدين قدام مرايه واحد بقول للتانى شايف الاثنين اللى قدامنا دول


قاله اه قالوا شايف بيبصولنا ويشاوروا علينا ازاى قاله يا عم مالكش دعوه بيهم


قاله ازاى يا جدع مش شايف قاعدين يتكلموا ويبوصولنا ازاى اكيد بيتكلموا علينا


قالو يا عم اصبر لو اتكلموا تانى ابقى روح اضربهم ماشى قاله اهم اتكلموا


والله لنا قايم معورهم


جه يقوم قاله اصبر اهم جايين
***
واحد صعيدى لقى كنز قال اما اروح ادور على الخريطه
***
زرافة و فيل وأسد وفأر وثعلب وارنب ماشيين في الغابة, وقعوا كلهم في حفرة، إلا الزرافة، فقالولها: جيبي لنا حبل قالتلهم: ما فيش، قالولها: إحنا جعانين عايزين ناكل قالتلهم: ماعرفش أجيب لكم أكل، قالولها: والعمل؟ قالت لهم كلوا أضعفكم ..... قام الفأر نط مفزوع وقال لهم: اللي هيقرب من الأسد هطلع هينه
***
واحد محشش قاعد مع صحابه و بيحكي لهم: انا مره طلع لى اسد و كان فى ايدى كباية ميه رميته بيها،الأسد طلع يجرى رد عليه واحد من اللى قاعدين قاله صح انا قابلت نفس الأسد ضربته بالألم ايدى اتبلت
***
مرة واحد راح يشترى ساعة لقاها غالية .. اشترى خمس دقائق
***
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
***

معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
***
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
***
مرة محامى خنفس دخل للقاضى..هاى يا قاضى..شوفت ميمى وهو بيقتل.؟ القاضى قالة


لا...الخنفس:كوبة يلا ياميمى
***
***
واحد صاحبنا فاشل فى الامتحانات


فدخل الامتحان لاقاه كله صح وخطأ راح مطلع بريزه وقال لو ملك تبقى صح ولو كتابه تبقى غلط خلص الامتحان فى نص ساعه فلقى بقيت زمايله لسه ماخلصوش


راح مطلع البريزه وقال اما اراجع
***
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه ..طرررررخ الزوج: "فيه ايه يا


بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟
" الزوجه:"حصانك على التليفون

ثانكس تيتو